, Brütsch Ralph
Sommernachtstraum - Tweet
Chuum öpper mag sich no erinnere, gäl?
und drum möchte ich's verzellä schnäll.
Im februar 19 isch's dänn gsii,
wo's ganz orcheschter isch debii.
Händ alli mit chräftiger stimm zuegschtimmt,
ahnigslos zumal und dänn grad so dä ärmel innenimmt.
Doch um was gaht's dänn genau?
Es theaterschtuck mit musik, wauw!
"Some like it hot" häts urschprünglich g'heisse,
und dä cheib viirus häts projäkt fasch bracht zum entgleisse.
Gschpillt söll werde mit dä bühni andelfinge,
und als wär das nöd scho gnueg, muess en chor grad au no singe.
Es uf und ab, es hin und her,
häts vor allem am aafang geh sehr.
Ja was dänn au, was söll es sii?
dä Rone isch nah am duredrehe gsii.
Schtuck isch neu, en summernachtstraum,
und erscht no vom schäikspiir, me glaubt es kaum.
Bis schpaat i d'nacht isch dä rone am note schriibe gsii,
bis dänn au regie z'fride hät döfe sii.
Nach guet drüü jahr, vil nerv und inveschtierti ziit,
isch's dänn ändlich gsii sowiit.
Dä vorhang uf und d'musik schpilt,
d'lüt hauts vom hocker und es gilt.
Elf uftritt, ä gwaltigi leischtig uf jede fall,
trotz pandemie und näbehall.
Dä zauber isch ume und d'chöle sind gmacht,
jetzt lömmer eus fiire bis' widr kracht.
Jetzt isch gnug gseit und s'wichtigscht chunnt no, g
anz herzliche dank und gratultation scho,
Em Ralph für d'geduld, em Rone für d'musiik,
stolz simmer alli uf eu drum de "twiit".